“Mama Kraon, Mi Sori”

Mama kraon, mi stap talem yes

Long olgeta dil, long olgeta pepa we mi no save stret.

Oli talem “divelopmen,” mi talem “go-ahed,”

Be hat blong yu i stap blid, i stap ded.

Yu bin kivim kaikai, yu bin kivim ples blong mi stanap,

Be mi salem yu long man we i no klosap.

Mi talem se mi strong, mi talem se mi praod,

Be mi salem aedentiti blong mi long fulap man aotsaed.

Kraon ia, hem i mama, hem i mi,

Be mi salem hem olsem hem i nogat laef.

Fiuja blong olgeta pikinini i stap long kraon,

Be from wanem mi tekem mane mo lego aedentiti mo kalja blong mi?

BIO: I am Tracy Uvoi Namel from the breezy shores of Seaside, Captain Cook Avenue in Port Vila, where I dive into books, sing like no one’s listening, and chase adventures wherever they lead!